Linde për t’u bërë kurban i lirisë – Shqip

by admin
Spread the love

Vajza e ish-zëdhënësit të Ushtrisë Çlirimtare të Kosovës, Jakup Krasniqi i cili më pas shërbeu edhe si Kryetar Kuvendi i Kosovës, ka rikujtuar faktin se babai i saj ndodhet tashmë e dy vite në paraburgim në Hagë.

Ajo me anë të një postimi emocional në Facebook ka thënë se Krasniqi ia ka dhuruar Kosovës shumë vite në burgjet jugosllave e vite tjera luftë kundër okupatorit serb.

“Kujt do ti kishe borxh ti, që i dhe Kosovës forcë atëherë kur ish dorëzuar? Ti që i dhurove fytyrë e zë UÇK-së, atëherë kur shumëkush ndihej i frikesuar”, ka shkruar ajo.

“Prandaj babi, në borxh hyre që diten kur linde, se linde për gjëra të mëdha! Linde për tu bërë kurban i lirisë që sot gëzojmë dhe urë për të ecur mbi ujrat e trazuara”, ka shkruar tutje ajo.

Postimi i plotë:

2 vite heqje lirie pa të drejt për njeriun më të drejt që kam njohur në jetën time- Babin tim!

“Kujt ja patëm borxh këtë Sevdije?!”

I kujtoj e rikujtoj këto fjalë që vin si jehonë e dhëmbin njësoj si herën e parë që i degjova!

Kujt do ti kishe borxh ti, që i dhurove Kosovës vitet e njëzeta në ilegalitet, vitet e tridhjeta në burgjet jugosllave dhe të dyzetat në luftë kundër okupatorit Serb?

Kujt do ti kishe borxh ti, që i dhe Kosovës forcë atëherë kur ish dorëzuar? Ti që i dhurove fytyrë e zë UÇK-së, atëherë kur shumëkush ndihej i frikesuar?

Kujt do ti kishe borxh ti, që gjithë këto vite dhurove, dhurove, dhurove pa mbarim e pa kushte?

Edhe në të shtatëdhjetat po i dhuron Kosovës gjithçka nga vetja!

Prandaj babi, në borxh hyre që diten kur linde, se linde për gjëra të mëdha! Linde për tu bërë kurban i lirisë që sot gëzojmë dhe urë për të ecur mbi ujrat e trazuara.

Borxh sja kishe askujt veç tokës Dardane!

Borxhlia është i keq, na thoje gjithnjë, e di që kurrë në borxh nuk hyre!.

Lexo lajme interesante

You may also like