Mund të duket si streha e një krimineli nga një film i James Bond, por në fakt kjo është një ndërtesë e epokës sovjetike në Siberi ku dyshohet se fshihet sot arsenali i armëve biologjike të Vladimir Putin.
Qendra Shtetërore për Kërkime mbi Virologjinë dhe Bioteknologjinë në Novosibirsk mendohet të ketë në posedim sëmundje shkatërruese si lija dhe antraksi apo dhe patogjenë vrasës si Ebola.
E hapur gjatë kulmit të Luftës së Ftohtë në 1974 si një qendër kërkimore për bioterrorizmin, ajo është ende një nga vendet më të mbrojtura të Rusisë, e rrethuar me tela me gjemba dhe ushtarë të armatosur në portat e saj.
Ajo konsiderohet një prej 59 bio-labatorëve me siguri maksimale në botë, një status që e ndan me Institutin e Virologjisë në Wuhan.
Objekti i fshehtë është vendosur në ultësirën e Siberisë jugperëndimore në kufirin me Kazakistanin, një nga vendet më të ashpra dhe më të izoluara në tokë, ku temperaturat mund arrijnë deri në -35 C në dimër.
Zyrtarisht, laboratori tani fokusohet në zhvillimin e vaksinave për viruset vdekjeprurëse. Vitin e kaluar nisi kërkimet mbi viruset parahistorike të gjetura në kuajt paleolitikë të gjetur në akujt e shkrirë e në Siberi.
Rruga Press
