Kryeministri i RMV-së Dimitar Kovaçevski, sot gjatë diskutimit në Forumin e Prespës, ka thënë se kemi politikan budallenjë që thonë se nuk ka kufi mes Serbisë dhe Shqipërisë dhe kështu nuk mund të funksionoj Ballkani i Hapur dhe janë kundër iniciativës për Ballkanin e Hapur.
Ai tha se kufijtë janë burimi i korrupsionit.
“Ka budallenjë politikan të cilët thonë se si mund të ekzistojë Ballkani i Hapur pasi që nuk ka kufi mes Serbisë dhe Shqipërisë. Atëherë si eksizton BE-ja ku është kufiri mes Greqisë dhe Portugalisë apo Bullgarisë dhe Suedisë. A e shihni se çfarë politikan kemi në Ballkan, duan të gjejnë diçka ndonjë çmenduri apo gjë të pakuptueshme që të prishet bashkëpunimi. Paradoksi më I madh është që ne nuk kishim kufi mes vete tani kemi të gjithë kufi”, ka deklaruar Kovaçevski.
