KOPENHAGË, 18 prill /ATSH-DPA/- Muret e ndërtesës historike të Bursës së Vjetër të Kopenhagës, e djegur nga një zjarr shkatërrues, janë shembur, tha një zëdhënës i brigadës së zjarrfikësve sot pasdite.
Gjysma e ndërtesës u dogj dhe çatia u shkatërrua nga zjarri që shpërtheu mëngjesin e së martës.
“Tani, muret e gjysmës së ndërtesës janë shembur, pavarësisht masave të marra për stabilizimin e tyre”, tha zëdhënësi.
Mbetet e paqartë se çfarë e shkaktoi zjarrin në ndërtesën, e njohur si “Børsen” në gjuhën daneze.
E ndërtuar në shekullin e XVII, ndërtesa nuk përdorej më si bursë, por po i nënshtrohej punimeve restauruese dhe ishte e mbuluar me skela.//a.i/
