UASHINGTON, 16 nëntor /ATSH-ANSA/ – Kemi bërë disa përparime të rëndësishme, bisedimet ishin shumë konstruktive dhe produktive.
Kështu e përmblodhi presidenti Biden në konferencën e tij për median takimin prej katër orësh me homologun kinez, Xi Jinping në një rezidencë piktoreske në periferi të San Franciskos, e para pas një viti në të cilin marrëdhëniet mes dy vendeve kishin rrëshqitur në pikën më të ulët.
Qëllimi ishte fillimi i shkrirjes.
”Konkurrenca nuk duhet të na çojë në konflikt”, shpjegoi Biden, pas shtrëngimit të duarve.
Dhe për të kapërcyer dallimet në një botë mjaft të madhe për bashkëjetesë dhe sukses kino-amerikan, të nuk mund t’i kthejnë shpinën njëri-tjetrit, në sfondin e një ekonomie globale në rimëkëmbje, por të rënduar nga proteksionizmi, Xi deklaroi se beson në një të ardhme premtuese të marrëdhënieve SHBA-Kinë.
Por, nëse dialogu ka rifilluar, mbeten disa çështje dhe tensione, që nga Tajvani deri te marrëdhëniet ekonomike, të dëmtuara për Kinën nga sanksionet dhe kufizimet e SHBA-së për eksportet e teknologjisë së lartë.
Me një përgjigje diplomatikisht të papërshtatshme në këtë moment, Biden e quajti sërish publikisht Xi një diktator, në kuptimin se ai është udhëheqës i një vendi komunist.
Dhe ai e bëri të ditur se kishte ngritur shqetësimet për shkeljet e të drejtave të njeriut në Kinë, duke përfshirë ato në Xinjiang, Tibet dhe Hong Kong.
”Rezultati më i rëndësishëm, megjithatë, është restaurimi i komunikimet në nivelin më të lartë, me një linjë të drejtpërdrejtë ndërmjet dy liderëve”, siç njoftoi Biden në konferencën e shtypit pas samitit, vetëm e treta për këtë vit.
Linja telefonike ushtarake, e anuluar nga Pekini, është rivendosur gjithashtu pas vizitës kontroverse të kryeparlamentares së atëhershme, Nancy Pelosi në Tajvan, në 2022.
U bë një marrëveshje me Xi gjithashtu për një goditje kineze kundër prodhimit dhe eksportit të prekursorëve kimikë të fentanilit, opioid sintetik i lirë që shkakton dhjetëra mijëra viktima çdo vit në SHBA.
Është konfirmuar edhe zotimi për të bashkëpunuar për klimën, megjithëse Biden i ka kërkuar Pekinit që të bëjë më shumë.
Gjithashtu synohet të diskutohet edhe për inteligjencën artificiale.
Biden tha se kishte përsëritur qëndrimin e politikës amerikane që njeh vetëm një Kinë, por duke ia bërë të qartë Xi se SHBA pret që Kina të mos ndërhyjë në zgjedhjet e Tajvanit.
Megjithatë, Kina paralajmëroi SHBA se duhet të merrte veprime konkrete për të respektuar angazhimin për të mos mbështetur pavarësinë e Tajvanit.
Një tjetër pikë delikate e ngritur nga Xi ishin sanksionet amerikane, çështjet e kontrollit të eksportit, verifikimi i investimeve dhe sanksionet e njëanshme që dëmtojnë seriozisht interesat legjitime të Kinës.
Kërkesa është që ato të hiqen për të siguruar një mjedis të drejtë dhe jodiskriminues për bizneset kineze.
Por, kështu bëri edhe Biden.
Ai u ankua për mungesën e kushteve të barabarta në konkurrencën ekonomike duke paralajmëruar se trajtimi i pronësisë intelektuale dekurajon investimet.
Përgjigja e Xi mbeti e paqartë në konferencën për shtyp.
Ndërkohë, Biden përsëriti mbështetjen për Izraelin duke kujtuar detyrimin për të vepruar me maturi për të mos goditur civilët dhe zgjidhjen me dy shtete./ a.jor.
