Forcat e armatosura të Kolumbisë do të dërgojnë një ekip afër Ukrainës, për ta trajnuar ushtrinë e saj për operacionet e heqjes së minave tokësore, bëRI të ditur CNN-I të martën.
Ministri kolumbian i Mbrojtjes, Diego Molano Aponte, ka thënë se 11 inxhinierë ushtarakë do të dërgohen në njërin nga shtetet anëtare të NATO-s, ku edhe do të zhvillohen trajnimet.
“Kolumbia është e përkushtuar ndaj vlerave të lirisë dhe të drejtave njerëzore, në këtë rast, duke dhënë kontribut konkret si shtet partner i NATO-s”, ka thënë përmes një deklarate ministri Molano Aponte.
Në muajin mars, presidenti amerikan, Joe Biden ka thënë se Kolumbia do të jetë një aleate kryesore jo-anëtare e NATO-s.
Që nga ky vit, janë më shumë se 15 shtete që janë të caktuara si aleatë jo-anëtare të NATO-s për SHBA-në, përfshirë këtu Australinë, Japoninë, Izraelin, Filipinet dhe Katari.
Një grup i ukrainasve po trajnohen edhe në Kosovë për deminim.
Rruga Press
