Revista “Forbes” ka publikuar renditjen vjetore të klubeve të futbollit më të pasura në botë. Nuk janë të pakta risitë në këtë renditje krahasuar me atë të fundit që u publikua në prill të vitit 2021, duke nisur që nga vendi i parë.
Kriza e thellë ekonomike e vitit të kaluar i ka kushtuar vendin e parë Barcelonës, që tashmë është arritur në krye nga Real Madrid. Të dy klubet spanjolle vlerësohen se kanë një pasuri prej 5.1 miliardë euro.
Sa i përket klubeve italiane, rikthehet në “Top 10” Juventusi, që ngjitet në vendin e 9-të, duke rikuperuar dy pozicione në krahasim me vitin 2021. Klubi bardhezi vlerësohet se ka një pasuri prej 1.2 miliardë eurosh dhe në vitin e fundit ka patur një rritje me 115%.
Edhe Milani rikuperon 2 pozicione dhe ngjitet në vendin e 14-të me një pasuri prej 1.2 miliardë eurosh, duke kaluar kështu Interin që zbret në vendin e 15-të (1 miliardë).
Sa i përket klubeve të tjera që plotësojnë 10-en e parë, konfirmohet gjendja e mirë ekonomike e klubeve të Premier League. Manchester United (4.6 miliardë) zë vendin e tretë, ndërsa Liverpool (4.4 miliardë) vendin e katërt, duke kaluar Bayern Mynih, që ka zbritur në vendin e pestë.
Më pas renditen Manchester City, Paris Saint-Germain, Chelsea dhe Tottenham. / Oversport.tv
💰| Most valuable football clubs, according to @Forbes. Updated 2022 list.
1. Real Madrid: $5.1B
2. Barcelona: $5.1B
3. Man United: $4.6B
4. Liverpool: $4.45B
5. Bayern Munich: $4.28B
6. Man City: $4.25B
7. PSG: $3.2B
8. Chelsea: $3.1B
9. Juventus: $2.45B
10. Spurs: $2.35B pic.twitter.com/xgzByL5rn8— Barça Buzz (@Barca_Buzz) May 26, 2022
