Pas njoftimit për marrëveshjen e divorcit të arritur nga Shakira dhe Gerard Pique, dyshja thuhet se kanë nxjerrë në treg super vilën e tyre spektakolare.
Pasi këngëtarja dhe fëmijët e saj të largohen nga prona për t’u shpërngulur në Florida, shtëpia prej 380 metrash katrorë do t’i shitet ofertuesit më të lartë. Shtëpia pritet të kushtojë nga 12 deri në 16 milionë euro dhe pritet të dalë në shitje në vitin 2023.
Así es la casa de Shakira y Piqué en Barcelona, el único bien en común de la pareja se vende por diez millones de euros #Socialité617 pic.twitter.com/uipAQt1807
— SOCIALITÉ (@socialitet5) November 13, 2022
Detajet e rezidencës së Shakirës dhe Pique në Barcelonë
Dhoma e ndenjes e shtëpisë ka dritare të mëdha që ofrojnë pamje spektakolare të Barcelonës. Nga kjo dhomë shihet edhe fusha e futbollit që kishte ndërtuar Pique, ku kënaqej duke luajtur me fëmijët e tij.
Dhoma e ndenjes, me një tapet të madh ngjyrë bezhë që i jep asaj një ndjesi shtëpiake, ishte hapësira e preferuar e çiftit në shtëpi. Ajo përmban mobilje moderne me ngjyra neutrale dhe një televizor të madh.
Pas konfirmimit të ndarjes mes Shakirës dhe Piques, detaji i parë që u publikua nga mediat vendase ishte se lojtari i Barcelonës jetonte prej muajsh në apartamentin e beqarisë, atë që kishte blerë para se të fillonte lidhjen me këngëtaren kolumbiane.
Është një shtëpi trekatëshe, me të gjitha komoditetet moderne, e vlerësuar në më shumë se 4 milionë euro dhe tashmë ai po e ndan me partneren e tij të re Clara Chia.
