Kim Kardashian zbulon ëndrrën e saj më të madhe

by admin
Spread the love

Kim Kardashian ka aspirata të mëdha për karrierën e saj si avokate. “Ëndërroj që një ditë të krijoj një firmë ligjore të suksesshme”, tha ajo.

Ylli me famë botërore është shprehur se ka qenë babai i saj, Robert Kardashian, i cili ishte një avokat, e ka frymëzuar të ndjekë këtë rrugë.

“Duhet të isha vërtet e zellshme për të studiuar dhe t’i kushtoja çdo minutë të lirë që kisha. Unë jam shumë e apasionuar pas reformës në drejtësinë penale dhe dua të mbroj ata që mendoj se janë dënuar gabimisht”, tha Kardashian për provimin që mori pak muaj më parë.

“Kalimi i kohës me babanë tim në zyrën e tij padyshim ndikoi tek unë. Kjo punë ka qenë brenda shpirtit tim prej vitesh dhe jam shumë krenare që tani po e bëj këtë punë”, tha Kim.

Ajo shtoi se kishte pasur gjithmonë këtë dëshirë, edhe kur sapo kishte filluar karrierën  në “Keeping Up With the Kardashians”.

“Kur shikoj pas intervistave të vjetra, kur njerëzit më pyesnin se çfarë doja të bëja nëse nuk do të filmoja ‘KUWTK’, gjithmonë thoja se doja të bëhesha hetuese e skenës së krimit ose avokate. Të jem në këtë linjë më ka bërë padyshim të ndihem më e afërt me babin tim dhe të di që po i ndihmoj njerëzit ndihem shumë mirë në fund të ditës”, tha ajo.


Lexo lajme interesante

You may also like