KIEV, 7 mars /ATSH-ANSA/- Unë nuk mendoj se qëllimi i Putinit është pushtimi i territoreve, ajo që ne po shohim janë sulme kundër civilëve dhe terror kundër popullsisë ukrainase, tha sot presidenti ukrainas, Volodymyr Zelensky.
“Mesazhet e tyre na thonë se qëllimi i tyre nuk janë disa territore, por aneksimi i të gjithë Ukrainës”, tha Zelensky në një intervistë për ‘Cinque Minuti’ të Bruno Vespa.
“Putini po përpiqet të marrë furnizime në Iran dhe Korenë e Veriut, ai ka mungesë municionesh. Rusët kanë nevojë për një pushim, shumë nga ushtarët e tyre janë vrarë, ne e shohim nga të burgosurit që kontingjenti që na vjen për të luftuar nuk ka më shumë se një muaj përgatitje”, tha presidenti ukrainas.
“Tashmë në vitin 2014, konflikti i ngrirë e lejoi atë të forcohej dhe më pas të fillonte një luftë në shkallë të gjerë”, theksoi Zelensky. //a.i/
