KIEV – Ukraina akuzoi sot Rusinë për shkatërrimin efektiv të termocentralit Zmiivska që ndodhet në rajonin lindor të Kharkivit.
Centrenergo, kompani që menaxhon fabrikën, tha në faqen e saj të internetit se uzina është dëmtuar në mënyrë kritike gjatë sulmeve të 22 marsit.
“Më 22 mars, ushtria ruse shkatërroi një nga termocentralet më të mëdha në rajonin e Kharkivit. Të gjitha blloqet janë shkatërruar dhe pajisjet ndihmëse janë dëmtuar. Shkalla e shkatërrimit varion nga i plotë deri në serioz”, tha kompania.
Puna është duke u zhvilluar për të pastruar rrënojat që bllokojnë qasjen deri te shumica e pajisjeve, gjë që i ka bërë gjithashtu të pamundura vlerësimet e sakta të shkallës së dëmtimit dhe perspektivat për restaurim, shtoi ajo.
Deklarata citon ministrin e Energjisë të Ukrainës, Roman Galushchenko, duke premtuar ndihmën e donatorëve për të përballuar dëmin nga sulmi.
Më 22 mars, Ministria ruse e Mbrojtjes tha se kishte kryer një sulm masiv hakmarrës me armë me precizion të lartë dhe dronë kundër objekteve energjetike të Ukrainës dhe kompleksit ushtarako-industrial në përgjigje të sulmeve në rajonet kufitare të Rusisë.
Lufta në Ukrainë po vazhdon për më shumë se dy vjet.
