Dy këlyshë të vegël tigrash indonezianë nga Sumatra shiheshin sot duke luajtur në bar pasi dolën për herë të parë nga foleja e tyre në kopshtin britanik të Chester.
Dy këlyshët femra “Alif” e “Raya”, kanë lindur në janar dhe tashmë kanë nisur të eksplorojnë botën e jashtme.
Kujdestarja Dayna Thain tha se është një privilegj të shikosh të rriten këlyshët e një specieje që është e rrezikuar në botën e jashtme, si pjesë e programit për shtimin e numrave të tyre.
Tigrat Sumatranë janë më të vegjlit e gjashtë specieve të njohura të tigrave dhe kanë membrana mes gishtave të putrës, cka i bën ata notarë të mirë.
Ata kanë gjithashtu pika të bardha në veshët e tyre që ngjajnë si “sy” dhe i bën të duket si vigjilentë edhe nga prapa.
Zyrtarët thanë se këto kafshë janë pre e gjuetisë ilegale që lakmon lëkurën e tyre, kockat e dhëmbët që shiten ilegalisht për bestytni shëruese në Azi.
Tigrat ‘Sumatranë’ gjendeshin më parë në të gjithë ishujt e Indonezisë ndërsa tani në gjendje të egër kanë mbetur vetëm 400 deri në 500 individë, kryesisht në ishullin Sumatra, që është më i madhi.
Sumatra strehon gjithashtu disa nga kafshët më të rralla në botë si rinocerontë, urangutangë e elefantë.
Top Channel
