TOKIO, 6 janar /ATSH-DPA/ – Numri i të vdekurve nga tërmeti i fuqishëm në bregun perëndimor të Japonisë në ditën e Vitit të Ri është rritur në 126, njoftuan autoritetet lokale.
Të paktën 211 persona janë raportuar të zhdukur në prefekturën e prekur të Ishikawa. Qeveria ka dërguar ushtarë shtesë në zonën e fatkeqësisë për të mbështetur ekipet e kërkim-shpëtimit në terren.
Sipas tyre 72 orët e para janë vendimtare në kërkimin e të mbijetuarve. Kushdo që nuk shpëtohet gjatë kësaj kohe ka një shans të reduktuar për të mbijetuar.
Në qytetin bregdetar të Wajima, i cili u godit më shumë nga tërmeti 7,6 ballë, shpërtheu një zjarr i madh dhe shumë shtëpi u shkatërruan.
Malet e rrënojave, rrugët e dëmtuara, rrëshqitjet e dheut dhe lëkundjet kanë penguar përpjekjet e ekipeve të kërkim-shpëtimit.//a.i/
