Izraeli goditi Iranin me raketa në të paktën një objekt ushtarak të premten herët, sipas ABC dhe CNN.
Një zyrtar amerikan konfirmoi për ABC News se raketat izraelite goditën një vend në Iran. Izraeli goditi tokën iraniane, tha një zyrtar për CNN, duke sqaruar se objektivi nuk ishte një objekt bërthamor, me raporte të pakonfirmuara se një sulm izraelit ka ndodhur gjithashtu në Siri dhe Irak. Zyrtarët iranianë që folën për New York Times theksuan një sulm në bazën ajrore në Isfahan.
🚨🚀🚀 Israel conducted back missile strikes on Iran 🇮🇷 pic.twitter.com/0dM5cN5XCi #Isfahan #BreakingNews #Iran #Israel
— Yusra Kamal (@yusrakamal94) April 19, 2024
Sipas agjencisë së lajmeve FARS të Iranit, një shpërthim është dëgjuar në veriperëndim të qytetit iranian të Isfahanit, ndërsa të njëjtat informacione transmetohen edhe nga Press TV iranian. Megjithatë, zyrtarët iranianë më vonë pohuan se nuk kishte asnjë goditje në tokë, por përkundrazi se tre objektiva u kapën në qiellin mbi Iran. Në të njëjtën kohë, Teherani siguroi se objektet e tij bërthamore janë të sigurta.
Menjëherë pasi u raportuan raketat e supozuara izraelite, senatori i Floridës Marco Rubio publikoi një postim në X ku shkruhej “Izraeli ka aftësinë të godasë objektivat brenda Iranit pa hyrë në hapësirën ajrore iraniane nga avioni mbi hapësirën ajrore të Sirisë dhe Irakut”.
Senatori në postimin e tij të dytë informoi se Isfahani është vendndodhja e bazës ajrore Khatami dhe ndodhet në verilindje të qytetit.
🚨🇺🇸🇮🇱BREAKING: U.S. CONFIRMS IDF STRIKE IN IRAN
U.S. officials have confirmed to ABC News that Israeli missiles have hit a site in Iran.
3 explosions have been reported in Iran’s Isfahan region, home to critical nuclear facilities recently shut down due to security concerns.… https://t.co/Mpbuy3mwhH pic.twitter.com/31VQDbBMhm
— Mario Nawfal (@MarioNawfal) April 19, 2024
Menjëherë pas sulmit izraelit, Irani pastroi të gjithë hapësirën e tij ajrore dhe i devijoi të gjithë avionët larg vendeve të lëshimit të raketave, duke u përgatitur për të nisur një përgjigje.
Shpërthimet erdhën pasi Izraeli u zotua t’i përgjigjet një sulmi me dron dhe raketa nga Irani të shtunën mbrëma kundër Izraelit.
Më herët, ministri i jashtëm i Iranit u zotua përpara Këshillit të Sigurimit të OKB-së se Teherani do ta bënte Izraelin të “pendohej” për çdo sulm ndaj tij.
“Veprimet legjitime të mbrojtjes dhe kundërmasat e Iranit kanë përfunduar, kështu që regjimi terrorist izraelit duhet të ndalojë çdo aventurizëm ushtarak kundër interesave tona,” tha Hossein Amirabdollahian mbi situatën në Lindjen e Mesme.
“Nëse regjimi izraelit përdor forcën dhe shkel sovranitetin tonë kombëtar, Irani nuk do të ngurrojë për asnjë sekondë të rikthejë të drejtat e veta duke u kundërpërgjigjur me vendosmëri dhe mjaftueshëm për ta bërë këtë regjim të pendohet për veprimet e tij”, shtoi ai. /tesheshi.com/
