TEHERAN, 6 janar /ATSH-DPA/ – Kreu i redaksisë politike të gazetës reformiste Etemad është arrestuar në Iran.
Mehdi Beyk është arrestuar të enjten dhe i është konfiskuar celulari dhe shënimet e tij. Javët e fundit, një numër gazetarësh iranianë janë arrestuar si pjesë e një vale arrestimesh.
Sipas Komitetit të Nju Jorkut për Mbrojtjen e Gazetarëve, më shumë se 80 punonjës të medias janë arrestuar tashmë. Mundësitë e raportimit janë shumë të kufizuara në vend.
Udhëheqja politike e Iranit ka qenë nën presion të madh që kur shpërthyen protestat mbarëkombëtare në mes të shtatorit.
I shkaktuar nga vdekja e gruas kurde iraniane Mahsa Amini në paraburgim policor, Teherani është zhytur në krizën më të keqe politike në dekada. 22-vjeçarja u arrestua më shumë se tre muaj më parë për shkelje të kodeve të rrepta islame të veshjes në lidhje me hixhabin e saj. /os/