Ish- drejtori i Milanit, Paolo Maldini, ka zbuluar së fundmi një prapaskenë të bujshme, teksa konfirmoni se ka bërë një përpjekje 10 ditore për ta transferua Mesin te Milani, kur ai u largua nga Barcelona.
Në një rrëfim të bërë me aktorin Xhakomo Poreti, në emisionin e tij “PoretCast”, legjenda kuqezi teksa foli për karrierën e tij si lojtar dhe drejtues, zbuloi edhe prapaskenat e bujshme. Kujtojmë që Maldini u largua nga posti i drejtorit të Milani në muajin qershor.
“Për 10 ditë ne u përpoqëm të sillnim Mesin në Milano, por më pas e kuptuam se ishte e pamundur. Tani është tepër vonë, por një lojtar si Mesi është një spektakël për cilindo që mund ta dëshmojë. Kur lexova se ai mund të shkojë edhe te Interi , u tremba”, rrëfen Maldini.
Fituesi aktual i Topit të Artë, ishte një agjent i lirë kur kontrata e tij me Barcelonën skadoi në verën e vitit 2021 dhe klubi Blaugranas nuk mund të përballonte më regjistrimin e tij.
Pas disa javësh pasigurie dhe propozimesh që erdhën nga klube të ndryshme, Mesi më në fund nënshkroi për PSG në gusht 2021.
Kjo përvojë zgjati vetëm dy vjet dhe argjentinasi tani është transferuar te Inter Miami në MLS.
Maldini u pyet gjithashtu për garën aktuale për titullin në Serinë A, përpara përballjes mes Interit dhe Juventusit.
“Interi tashmë e ka fituar atë”, ishte përgjigja e tij.
PANORAMASPORT.AL
