Klered Bozhanaj, 42 vjeç, është autori i dyshuar i plagosjes së policit Edlir Alleshi në Tiranë.
Sipas gazetarit Besar Bajraktaraj, autori i dyshuar raportohet se ka pak kohë që është kthyer nga Italia.
Ngjarja ndodhi gjatë orëve të pasdites në zonën e “Kinostudios”, teksa një patrullë e “Shqiponjave” ishte vënë në ndjekje të personit në fjalë, i konsideruar si i dyshimtë.
Efektivët mësohet se po e kontrollonin, kur Bozhani qëlloi me dy plumba punonjësin e policisë. Ky i fundit ndodhet në spital, fatmirësisht jashtë rrezikut për jetën.
Aktualisht forca të shumta policie janë në terren me qëllim kapjen e autorit të dyshuar të ngjarjes.
Ministri i Brendshëm Taulant Balla, në një prononcim nga spitali pasi vizitoi efektivin e policisë i bëri thirrje autorit të dyshuar që të dorëzohej./tvklan.al
