AMSTERDAM, 1 shkurt /ATSH-DPA/ – Inflacioni i çmimeve të konsumit në Holandë u përshpejtua në janar në nivelin më të lartë në gjashtë muaj, sipas të dhënave të Byrosë Qendrore e Statistikave.
Indeksi i çmimeve të konsumit (CPI) u rrit 3,2% në terma vjetore, në janar, krahasuar me 1,2% në dhjetor.
Kjo është norma më e lartë që nga korriku i vitit 2023, kur çmimet u rritën me 4,6%.
Kostot për shërbimet u rritën me një ritëm më të shpejtë prej 4,8% në terma vjetore, në janar krahasuar me 4,1% një muaj më parë.
Rritja vjetore e çmimeve të artikujve ushqimorë u ul në 4,2% nga 5,3%.
Ndërkohë, rënia e çmimit të energjisë, përfshirë karburantin, u ul ndjeshëm në 2,2% nga 24,6%.
Në baza mujore, çmimet e konsumit u rritën me 0,5% në muajin janar.
Inflacioni i bazuar në Indeksin e Harmonizuar të Çmimeve të Konsumit, ose IHÇK, gjithashtu u rrit në 3,1% në janar nga 1,0% një muaj më parë. //a.i/