AMSTERDAM, 21 shkurt /ATSH-DPA/ – Hetuesit evropianë kanë nisur një operacion në shkallë të gjerë kundër një bande ruso-euroaziatike të pastrimit të parave, njoftoi Europol.
”Rreth 100 ndërtesa u kontrolluan dhe katër persona u arrestuan”, theksuan zyrtarët e zbatimit të ligjit në BE.
Hetuesit kanë mbikëqyrur edhe një institucion financiar maltez i akuzuar si pikë qendrore e operacioneve.
Europol deklaroi se ”institucioni maltez ka pastruar rreth 4,5 milionë euro (4,8 milionë dollarë) nga aktivitetet kriminale”.
Paratë u derdhën përmes një rrjeti kompanish false, duke e bërë gati të pamundur gjurmimin e origjinës së tyre kriminale.
Sipas Europol, kriminelët vepronin kryesisht nga Riga dhe Berlini.
Autoritete nga Letonia, Gjermania, Malta, Franca, Estonia, Italia dhe vende të tjera u përfshinë në operacionin e Europol-it./ /os/
