Instituti i Prishtinës për Studime Politike
(PIPS) dhe Lëvizja FOL kanë mbajtur tryezë diskutimi me temën: “Reforma në
Sistemin e Drejtësisë gjatë vitit 2021: Sfidat dhe arritjet”, raporton Ekonomia
Online.
Ministrja e Drejtësisë Albulena Hazhiu ka
folur për reformat në sistemin e drejtësisë gjatë vitit të kaluar. Ajo ka thënë
se nuk ka pritur që të ketë kaq shumë rezistencë në sistemin e drejtësisë,
rreth Vetingut.
“Ndoshta kemi pas shqetësimin mos po na
rrezojnë si mandatin e pare e t’i nisim të gjitha punët ndoshta mbërrimë diçka.
Disa prej punëve janë prioritete dhe në asnjë rrethane se dihet të zmbrapsemi. Strategjia
për sundimin e ligjit nuk është hartuar nga qeveria jonë por këtu kanë marrë
pjese ekspert dhe ne si qeveri jemi pajtuar ta procedojmë. Pas miratimit janë
shprehur disa rezerva lidhur me Vetingun. Besoj që tash me kemi gjetur një
pajtim dhe me 31 janar kemi mbledhur komunitetin dhe ne ju kemi bërë thirrje
edhe përfaqësuesve të shoqërisë civile dhe vetë BIRN është lajmëruar. Megjithatë
ky komunitet do të mbahet me 31 janar”, ka thënë ajo.
“Ndonëse vet se jam ithtarë për trajtimin e
projektligjeve të përshpejtuara por kemi marrur komentin e Venecias për
dokumentin. Nuk kam prit qe do ketë aq shumë rezistencë në sistemin e drejtësisë.
Kjo nuk më le shije të mirë pasi që ka rezistencë kjo diçka flet. Unë zotohem
para jush se nuk do ndalemi për një iniciativë për drejtësi. Është kërkesë shoqërore.
Jemi duke u përpjek të kemi konsensus edhe me BE-në por edhe me miqtë tjerë ndërkombëtar
duke përfshirë edhe Ambasadën Amerikane. Unë 3 herë kam ftu opozitën me keqardhje
them se deri më tani nuk kam pa as interesin më të vogël për t’u takuar. Neve
na duhet mbështetja e tyre në kuvendin e Republikës së Kosovës. Ata kanë thënë
se do ta ofrojmë bashkëpunimin e tyre por nuk kanë pasur as një reagim. Unë jam
e gatshme t’i ftoj sërish sepse është për të mirën e qytetarëve”, ka thënë ajo.
Ehat Miftari nga Instituti i Kosovës për
Drejtësi, tha se Ministria e Drejtësisë duhet të ketë një raport te shëndoshe lidhur me parterët ndërkombëtar për procesin
e Vetingut.
“Vetingu është përgjegjësi e Qeverisë. Sa ma shpejt qe behet kursejmë kohe dhe brengat që po vuajnë qytetarët e Kosovës. Ministria e Drejtësisë ligjin për KPK është dashtë me pas prioritet mbi prioritete. Me Kushtetutë është dashtë me ndal këtë proces se është kah shkon keq. Ambasada Britanike vitet e fundit kanë qenë Lider dhe kanë investu dhe me marr një përgjigje negative në heshtje nga këshilli prokurorial është shume e keqe. Miratimi i ligjeve me procedurë të përshpejtuar është i pafalshëm. Ligji për KPK shkoj me një procedurë për 5 dit. Ligji për pasurin e konfiskueshme është e njëjtë”, ka thënë Miftaraj.
