BRUKSEL, 11 prill /ATSH-ANSA/ – Toka do të ketë një vizitë të papritur sonte në mbrëmje.
Në fakt, rreth orës 20:31 do të ketë një kalim jashtëzakonisht të afërt të një asteroidi të vogël me një diametër prej tre metrash, i cili u zbulua vetëm më 9 prill nga teleskopi ”Pan-Starrs 2” në Havai.
Shkëmbi kozmik, i quajtur 2024 GJ2, do të kalojë vetëm 12 320 kilometra nga sipërfaqja e Tokës (e barabartë me 3% të distancës Tokë-Hënë), duke udhëtuar mbi Australi me një shpejtësi prej 14,4 kilometra në sekondë.
”Ngjarja, sado interesante, nuk do të sjellë ndonjë rrezik ndikimi”, shkroi Agjencia Evropiane e Hapësirës (ESA) në një postim në X.
Asteroidi do të kalojë mirë brenda orbitës së satelitëve në unazën gjeostacionare.
”Në këtë distancë, graviteti i fuqishëm i Tokës do të ndryshojë ndjeshëm orbitën e asteroidit rreth Diellit”, shpjegon ESA.
”Sado afër që të jetë, kalimi i asteroidit të vogël nuk përbën asnjë rrezik”, theksojnë ekspertët./ /os/
