Hana bën bashkë Mozzik dhe Loredanën, ja urimet për vogëlushen e tyre

by admin
Spread the love

Hana Aliu, vajza e reperëve Mozzik dhe Loredana mbush sot 4 vjeç. Ish-çifti ka uruar vajzën e tyre të vogël përmes postimeve në rrjetet sociale, ku nuk i kanë kursyer fjalët e ëmbla për të. Loredana ka ndarë një video të saj me Hanën, që përmbledh disa nga momentet e tyre të veçanta së bashku. Krahas videos Lorendana ka bërë një shkrim të gjatë, i cili thotë:

Gëzuar ditëlindjen fëmija im. Nuk di të qesh apo të qaj, kam një ndjenjë përbrenda që nuk e përshkruaj dot kur përmendet emri yt. Hana jeta ime është shumë e shëmtuar ndonjëherë dhe vetëm ti mund ta bësh të bukur. Ti je arsyeja pse jam e motivuar, ti je e vetmja arsye pse jam e fortë. Zoti ka qenë i mirë me mua kur ti erdhe në këtë botë, çfarë bëra për ta merituar.

Mund të mos jem një mama “normale” por Hana ti duhet ta dish që po bëj më të mirën time që të të bëj të lumtur. Bëj më të mirën që të jem mamaja më e mirë në botë. Të dua më shumë se Zoti i dashur. Ti je jeta ime, fryma ime, gjithçka e imja. Nuk mund të jetoj pa ty dhe nuk dua të jetoj pa ty. Të lutem rri me mua përgjithmonë, je gjithçka për mua”.

Nga ana tjetër Mozzik ka zgjedhur diçka më të veçantë. Në ditëlindjen e Hanës ai ka vendosur të gëzojë disa fëmijë të tjerë në emër të saj. Në një tjetër postim në Instastory Mozzik shkruan se para 4 vitesh, Hana e ka bërë atë njeriun më të lumtur.

Lexo lajme interesante

You may also like