BERLIN, 26 janar /ATSH-DPA/- Ambasadori ukrainas në Berlin, Andriy Melnyk kritikoi premtimin e Gjermanisë mes tensioneve në rritje mes Moskës dhe Kievit për të dërguar 5000 helmeta luftarake në Ukrainë si një gjest krejtësisht simbolik.
“Ukraina pret një kthesë 180 gradë nga qeveria federale, një ndryshim të vërtetë paradigme”, tha ambasadori Andriy Melnyk.
Ministrja gjermane e Mbrojtjes Christine Lambrecht njoftoi më herët se Gjermania do të furnizonte Ukrainën me 5000 helmeta mbrojtëse ushtarake.
“Ky është një sinjal shumë i qartë. Ne qëndrojmë në anën tuaj”, tha Lambrecht.
Por Ukraina po kërkon dërgesa më të mëdha të armëve të ngjashme me ato që kanë premtuar Shtetet e Bashkuara, Britania e Madhe dhe vendet baltike për t’u mbrojtur kundër një sulmi të mundshëm rus. //a.i/