BERLIN, 14 shtator /ATSH-DPA/ – Për herë të parë në parlamentin lokal të Turingisë, Gjermania Lindore, është miratuar një propozim për uljen e taksave nga konservatorët e opozitës me ndihmën e partisë së ekstremit të djathtë Alternativa për Gjermaninë (AfD).
Propozimi i Unionit Kristian Demokrat (CDU) konservator për të ulur taksën e pronës u realizua me mbështetjen e AfD kundër qeverisë rajonale, të përbërë nga Social Demokratët, partia e Majtë dhe të Gjelbërit.
Në nivel kombëtar, CDU ka thënë vazhdimisht se nuk dëshiron të bëjë asnjë bashkëpunim me AfD, disa prej të cilave janë nën hetim nga autoritetet gjermane për tendenca ekstremiste.
Kreu kombëtar i CDU-së, Friedrich Merz, kishte mbrojtur veprimin e fraksionit të CDU-së Thuringian para votimit.
Ai tha se CDU nuk e bazon politikën e saj – as në nivel shtetëror dhe as federal – në atë se çfarë do të bëjnë partitë e tjera.
Në emisionin televiziv gjerman të mëngjesit Frühstart të RTL/ntv, ai tha se ”nuk do të kishte asnjë bashkëpunim me AfD as në nivel federal, as në nivel shtetëror”. /os/
