BERLIN, 11 dhjetor /ATSH-DPA/ – Ushtria gjermane do të fillojë përgatitjet për vendosjen e një sistemi antiraketë tokë-ajër Patriot në Poloni në ditët në vijim.
Gjermania i ka ofruar Polonisë pajisjet për të mbrojtur hapësirën e saj ajrore pasi një raketë e humbur nga lufta në Ukrainë u rrëzua në tokën polake dhe vrau dy persona muajin e kaluar.
Por një grindje shpërtheu kur Varshava i tha Berlinit se ”do të ishte më mirë për sigurinë e palës polake nëse Gjermania dërgonte bateritë Patriot direkt në Ukrainë”.
Gjermania ka argumentuar se asnjë anëtar i NATO-s nuk ka dërguar patriotë në Ukrainë dhe se sistemi deri më sot është vendosur vetëm për të mbrojtur territorin e NATO-s.
Sistemi Patriot i prodhuar në SHBA mund të angazhojë avionë armik, raketa balistike taktike dhe raketa lundrimi dhe ka një rreze prej mbi 60 kilometrash. /os/
