LONDËR, 20 shtator /ATSH-DPA/ – Kryeministrja britanike Liz Truss do të takohet me presidentin amerikan Joe Biden dhe presidentin francez Emmanuel Macron në Nju Jork në sfondin e tensioneve të Brexit dhe pyetjeve nëse ajo e konsideron ‘’udhëheqësin francez një mik apo armik”.
Në udhëtimin e tij të parë jashtë shtetit si kryeministre, Truss po fluturon për në SHBA gjatë natës për pjesëmarrje edhe në Asamblenë e Përgjithshme të Kombeve të Bashkuara.
Vizita do të ketë një sërë takimesh, duke përfshirë me Ursula von der Leyen nga BE, dhe një fjalim para krerëve botërorë.
Kjo vizitë vjen kur veprimet politike rifillojnë pas periudhës së zisë kombëtare për Mbretëreshën Elizabeth II.
Truss shpreson se fokusi do të jetë kryesisht në sigurinë energjetike dhe luftën e Rusisë kundër luftës në Ukrainë, por priten përplasje për protokollin e Irlandës së Veriut.
Biden, presidenti amerikan me një trashëgimi krenare irlandeze, shprehu shqetësimin për kërcënimin e Brexit për procesin e paqes dhe minimizoi shanset për arritjen e një marrëveshjeje të tregtisë së lirë.
Homologu i saj francez, Macron, ka qenë prej kohësh një kritik i Brexit-it dhe ka qenë i palëkundur në presionin e Mbretërisë së Bashkuar për të përmbushur angazhimet për Irlandën e Veriut dhe të drejtat e peshkimit.
Truss shkaktoi një grindje diplomatike gjatë konkursit të lidershipit konservator, kur refuzoi të jepte një përgjigje të drejtpërdrejtë në pyetjen nëse presidenti i kombit aleat ishte “mik apo armik”.
Përpara vizitës, zëdhënësi i kryeministrit e përshkroi Francën si një “aleat të gjatë” dhe këmbënguli se marrëdhëniet midis Londrës dhe Parisit, si dhe me BE-në, janë “të mira”. /os/
