FOKUS – Polonia mbron përdorimin e qymyrit për sigurinë e energjisë

by admin
Spread the love

VARSHAVË, 21 nëntor /ATSH-AA/ – Zëvendëskryeministri i Polonisë, Jacek Sasin tha se vendi i tij ka ndërmarrë hapat e nevojshëm për sigurinë e energjisë dhe shtoi se do të vazhdojnë të nxjerrin qymyr për shumë vite për sa kohë që është baza e sigurisë së energjisë.

Duke folur për “Radion e Polonisë”, Sasin tha se Polonia është vend i sigurt për investime. Ai foli për marrëveshjet e centralit bërthamor me Korenë e Jugut dhe SHBA-në dhe vuri në dukje se këto marrëveshje përbëjnë shembull se Polonia është vend i besueshëm.

Sasin theksoi se për shkak të luftës Rusi-Ukrainë është përjetuar krizë energjetike. “Periudha e krizës energjetike nënkupton se shteti duhet të ndërhyjë në mekanizmat e tregut. Në të kundërtën çmimi i energjisë për konsumatorët individualë dhe bizneset bëhet aq i lartë saqë kjo bëhet e papërballueshme. Për këtë arsye kemi marrë masat e nevojshme”, tha ai.

Ai tha se kanë ndërmarrë hapa për të siguruar gjetjen në çdo vend për qymyrin që nevojitet. “Menjëherë pas shpërthimit të luftës filluam të rrisim importet e qymyrit përmes kompanive që i përkasin shtetit. Do të vazhdojmë të nxjerrim qymyr për shumë vite për sa kohë që është baza e sigurisë së energjisë. Edhe qeveritë lokale kontribuojnë në shpërndarjen e qymyrit në vend. Po hidhen hapat e nevojshëm”, tha Sasin.

Qymyri zë një vend të rëndësishëm në shportën e energjisë së Polonisë e cila ka ndalur plotësisht blerjen e gazit natyror nga Rusia.

Zyrtarët polakë të cilët akuzohen se nuk kanë ndërmarrë hapa në përputhje me objektivat e klimës, mbrojnë idenë se shqetësimet për emetimet duhet të shtyhen në periudhën e krizës dhe se ata janë besnikë ndaj objektivave.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Artikulli paraprakRama firmos 15 procedura konfiskimi të ndërtimeve pa leje: Do përdoren për interes publik

Lexo lajme interesante

You may also like