BERLIN, 27 nëntor /ATSH-DPA/ – Sekretari i përgjithshëm i NATO-s, Jens Stoltenberg ka vlerësuar mbështetjen e Gjermanisë për Ukrainën, rezistencën e saj ndaj pushtimit rus, në komentet për edicionin e së dielës të së përditshmes kombëtare ”Die Welt”.
“Mbështetja e fortë e Gjermanisë po bën një ndryshim vendimtar,” tha Stoltenberg.
Gjermania është kritikuar nga zyrtarë të lartë ukrainas se ishte e ngadaltë në sigurimin e pajisjeve ushtarake dhe refuzimin e ofrimit të armatimit të rëndë në veçanti.
Duke folur dy ditë përpara një takimi të ministrave të jashtëm të NATO-s në Bukuresht, Stoltenberg tha se furnizimet me armë gjermane po shpëtonin jetë në Ukrainë.
Por, ai shtoi se “ne të gjithë duhet të ruajmë mbështetjen tonë për Ukrainën dhe ta rrisim atë”.
Ndër armët e dorëzuara nga Gjermania është një sistem modern antiajror, tip ”Iris-T”, i destinuar për të kundërshtuar sulmet ruse me raketa dhe dron.
Tre të tjera do të pasojnë vitin e ardhshëm.
Stoltenberg tha se presidenti Vladimir Putin po shënjestron infrastrukturën energjetike të Ukrainës, përpara dimrit.
“Putini po përpiqet të përdorë dimrin si armë, por ai nuk do të ketë sukses”, tha kreu i NATO-s./ a.jor.
