BRUKSEL, 9 nëntor /ATSH-DPA/ – Komisioni Evropian propozoi që Bashkimi Evropian të mbështesë Ukrainën në 2023 me kredi deri në 18 miliardë euro (18.1 miliardë dollarë).
“Përshkallëzimi i agresionit të Rusisë kundër Ukrainës vazhdon të shkaktojë vuajtje dhe dëme të mëdha në Ukrainë dhe popullin e saj”, tha në Bruksel nënpresidenti i Komisionit Evropian Valdis Dombrovskis.
“Ukraina ka nevojë për ndihmën tonë. Paratë duhet të përdoren për të paguar pagat, pensionet dhe riparimin e infrastrukturës kritike, duke përfshirë energjinë dhe objektet shëndetësore, tha Dombrovskis.
Shuma totale është e barabartë me ndihmën financiare të BE-së deri në 1.5 miliardë euro në muaj, me komisionin që synon disbursimin e parë në janar.
”Mbështetja e ofruar do të jetë në formën e “huave afatgjata me kushte shumë koncesionare”, theksoi Dombrovskis.
Ukraina pritet të fillojë të shlyejë kreditë në vitin 2033 deri në 35 vjet, thuhet në një njoftim për shtyp. /os/
