ROMË, 28 shkurt /ATSH-ANSA/ – Bisedimet mes delegacioneve të Kievit dhe Moskës kanë nisur në një vend sekret, në kufirin midis Ukrainës dhe Bjellorusisë, në zonën e lumit Pripyat.
Bisedimet, saktësojnë agjencitë ruse, filluan në një qytet në bregun e lumit Prypyat, në kufirin midis Ukrainës dhe Bjellorusisë.
Disa video të publikuara në rrjetet sociale treguan mbërritjen e delegacionit të Kievit.
Sipas ”Jerusalem Post”, me kërkesën ukrainase, në këto bisedime merr pjesë edhe miliarderi rus, Roman Abramovich.
”Ukraina bën thirrje për një armëpushim të menjëhershëm dhe tërheqjen e trupave ruse. 24 orët e ardhshme do të jenë vendimtare për Ukrainën”, tha presidenti ukrainas Zelensky në një bisedë telefonike me kryeministrin britanik Johnson./ a.jor.