Olympique Lyonnais ka fituar për herë të tetë në historinë e klubit Champions League për femra pasi ka mposhtur në finalen e zhvilluar në “Allianz Stadium” të Torinos 3-1 skuadrën e Barcelonës.
Fati i finales është vulosur që në pjesën e parë. Francezet kanë zhbllokuar shumë shpejt sfidën me Amandine Henry, ndërsa Ada Hegerberg ka kaluar në avantazh të dyfishtë Lyonin pa kaluar as 25 minuta lojë.
Catarina Macario shënon edhe golin e tretë për francezet, ndërsa Barcelona ngushton shifrat në fund të pjesës së parë me Alexia Putellas Segura.
Në fraksionin e dytë të lojës ndonëse spanjollët janë munduar të reagojnë, Lyoni ka admisnitruar rezultatin dhe fiton për herë të 8-të në histori Championsin për femra. / Oversport.tv
Foto: UEFA Women’s Champions League Twitter
👑 𝐐𝐔𝐄𝐄𝐍𝐒 𝐎𝐅 𝐄𝐔𝐑𝐎𝐏𝐄 👑
🔴🔵 Congratulations, @OLfeminin 👏👏#UWCLfinal | #QueensOfFootball pic.twitter.com/9Rq0KHv3Bk
— UEFA Women’s Champions League (@UWCL) May 21, 2022
