SHANGAI, 21 prill /ATSH-DPA/ – Kampioni Max Verstappen fitoi Çmimin e Madh të Kinës të parë në Formula 1, duke përfunduar një fundjavë të përsosur pasi fitoi edhe garën e sprintit.
Pilorti i Red Bull ruajti pozicionin e tij në fillim, duke marrë një epërsi prej 1.6 sekondash në fund të xhiros së parë pasi i mbijetoi një sulmi nga Fernando Alonso i Aston Martin.
Lando Norris i McLaren dhe Sergio Perez i Red Bull-it përfunduan podiumin e GP-së së parë kineze që nga viti 2019. Për shkak të pandemisë Covid-19, gara nuk u zhvillua nga viti 2020 në 2023.
Verstappen humbi epërsinë vetëm në xhiron e 13-të pasi ndaloi për një ndërrim gomash, duke rifituar pozicionin shtatë xhiro më vonë.
Kishte dy periudha sigurie, por holandezi nuk u ndje i kërcënuar në asnjërën prej tyre. /os/
