Pas fitores kundër Viktoria Plzen në Champions, Interi ka filluar përgatitjet për ndeshjen kundër Udineses në kampionat. Por për këtë takim tekniku Simone Inzaghi duhet të bëjë pa ndihmën e Hakan Calhanoglu.
Mesfushori turk u detyrua që të mbyllë para kohe stërvitjen e të enjtes për shkak të një problemi muskulor.
“Hakan Calhanoglu kreu gjatë ditës së sotme vizita në klinikën Humanitas, ku u evidentua një dëmtim muskulor në kofshën e majtë. Gjendja e tij do të shikohet sërish gjatë javës së ardhshme”, shkruhet në njoftimin e klubit zikaltër.
Bëhet fjalë për të njëjtin dëmtim që pësoi edhe Romelu Lukaku. Një shqetësim muskulor që mund të mbajë turkun jashtë fushës së blertë për rreth 3 javë. / Oversport.tv