Drejtori i ri i Ekipit Ndërlidhës Këshillues të NATO-s (NALT) Gjeneral Brigade, Ralf Peter Hammerstein, bashkë me stafin e tij kanë vizituar Kazermën e Gardës Kombëtare të Forcës së Sigurisë së Kosovës, në Pomozotin.
Komandati i Gardës Kombëtare, Gjeneral Brigade Naim Haziri, ka mirëpritur drejtorin e NALT-it, dhe e ka informuar për aktivitet e tyne, njofton Klankosova.tv.
Në faqën zyrtare të FSK-së bëhet e ditur se pas këtij takimi stafi i GK-së ka mbajtur një prezantim për grupin pjesëmarrës duke i njoftuar lidhur me personelin, pajisjet, aktivitetet dhe gjendjen operacionale të njësive.
Në kuadër të vizitës janë vizituar ambientet trajnuese të Qendrës Ndërkombëtare të Trajnimit për Kërkim Shpëtim(QNTKSH), ku nga drejtori janë njoftuar me kapacitetet dhe aktivitetet e kësaj qendre.
Të dy gjeneralët u shprehën të gatshëm për bashkëpunim në ngritjen e kapaciteteve dhe modernizimin e Gardës me standardet më të larta ndërkombëtare.
Klikoni KËTU për t’u bërë pjesë e kanalit zyrtar të Klan Kosovës në Viber.
Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
