Në Kosovë për pesë ditët e ardhshme, do të mbajë mot i ngjashëm me javën që e lamë pas.
Instituti Hidrometeorologjik i Kosovës ka bërë të ditur se të martën dhe të premten parashihen vranësira të dendura, të cilat vende – vende mund të sjellin riga shiu.
“Temperaturat minimale do të lëvizin ndërmjet 4-9 gradë Celsius, ndërsa maksimalet e ditës parashihen të lëvizin ndërmjet 20-27 gradë Celsius. Do të fryjë erë nga drejtimi verilindjes dhe juglindjes me shpejtësi 1-7m/s”.
“Kushtet biometeorolologjike dhe agrometeorologjike do të jenë relativisht të mira, por duhet shtuar kujdes që mos të jemi në kontakt direkt me rrezet e diellit, sidomos në pikun e ditës, pasi që indeksi UV parashihet të jetë në vlerat e larta”, thuhet në njoftimin e IHMK-së.
