Ndaj Southampton Aston Villa që ka shpenzuar më shumë se 120 milionë euro në merkaton e verës së shkuar pësoi humbjen e 5-të radhazi në Premier League dhe për këtë arsye drejtuesit e klubit shkarkuan trajnerin Dean Smith për shkak të rezultateve të dobëta.
Klubi nga Birninghami është ende në kërkim të një trajneri të ri dhe sëfundmi për të marrë drejtimin e Aston Villas ka dalë në skenë një emër sugjestionues. Bëhet fjalë për trajnerin aktual të kombëtares belge, Roberto Martinez i cili u përfol edhe për stolin e Barcelonës.
Martinez e njeh mirë kampionatin anglez pasi më parë ka drejtuar Everton por edhe Wigan Athletic. Ditë më parë trajneri katalanas refuzoi ofertën e Newcastle, ndërkohë që për Aston Villan nuk ka vendosur ende por klubi nga Villa Park i përshtatet më shumë stilit të tij duke patur parasysh grupin e futbollistëve që ka në skuadër dhe Martinez mund t’i kërkojë federatës belge prishjen e kontratës në fund të eliminatoreve Katar 2022.
Top Channel
