Një politikan rus dhe dy bashkëpunëtorë të dyshuar ukrainas janë akuzuar për krime lufte nga Kievi për deportimin e supozuar të dhjetëra jetimëve.
Ata janë të dyshuarit e parë të akuzuar nga Ukraina, e cila thotë se më shumë se 19,000 fëmijë janë transferuar ilegalisht në Rusi ose në territorin e kontrolluar nga Rusia.
Akuzat pasojnë një hetim më të gjerë të kryer në bashkëpunim me Gjykatën Penale Ndërkombëtare me bazë në Hagë, sipas raportit ekskluziv të Reuters.
48 jetimët, të moshës nga një deri në katër vjeç, dyshohet se u morën nga qyteti jugor Kherson në shtator dhe tetor dhe u rivendosën në Moskë dhe Krimenë e pushtuar nga Rusia.
Nëse vërtetohet, kjo është një shkelje e ligjeve dhe zakoneve të luftës sipas Konventave të Gjenevës të vitit 1949.
“Ne nuk e dimë se si janë këta fëmijë, në çfarë kushtesh mbahen ose cili është fati i tyre,” tha Yuliia Usenko, kreu i departamentit për mbrojtjen e interesave të fëmijëve në zyrën e Prokurorit të Përgjithshëm të Ukrainës.
Ata mund të jenë adoptuar ilegalisht nga shtetas rusë, ose
janë dërguar në institucionet ruse, shtoi ajo.
Më herët sot, Ministri i Jashtëm rus Sergei Lavrov këmbënguli se Moska kishte evakuuar fëmijët nga jetimoret në zonat e luftës.
Kremlini ka hedhur poshtë vazhdimisht akuzat se Rusia kishte shkelur të drejtat e fëmijëve në Ukrainë.
Top Channel
