Vitet e fundit është shumë në modë që çiftet të shpenzojnë shuma marramendëse për të bërë dasma luksoze, me fustane të markave të shtrenjta për ditën më të rëndësishme të jetës. Por një çift nga Los Angeles ka gjetur një mënyrë për të mos shpenzuar shumë për ditën e tyre më të veçantë dhe në këtë mënyrë të mos hynin në borxh, që në fillimet e martesës.
Kiara dhe Joel Brokenbrough ishin në gjendje të arrinin gjithçka për vetëm 463 euro, që është shumë më pak se mesatarja, sipas një raporti të vitit të kaluar nga faqja e internetit e planifikimit të dasmave The Knot.
“Qëllimi ynë ishte të ishim sa më minimal dhe të shpenzonim sa më pak”, tha Kiara për “Good Morning America”.Për të nisur dasmën e tyre , Kiara filloi me fustanin e saj që e gjeti në faqen e internetit të shitësit të modës Shein për vetëm 44 euro. Ajo e ka ndarë videon me ndjekësit ën Tik Tok, duke tërhequr vëmendjen e 1 milion njerëzve.
“Nuk doja të shpenzoja shumë para për një fustan që do ta vishja vetëm një herë për disa orë”, tha ajo.
Kur erdhi puna për uljen e kostove për dasmën, Kiara kujton se kishte dhurata të tilla si lule dhe gjëra të tjera familja e saj.Çifti gjithashtu arriti të kursente para duke gjetur një vend të lirë në një nga autostradat e Kalifornisë. Të ftuarit gjithashtu paguanin ushqimin dhe pijet.
Kiara shpjegoi se për të realizuar një martesë me pak shpenzime, duhet të kesh vërtet të dashur mbështetës. Një nga këshillat e saj më të mëdha është të gjesh një vend që është i lirë dhe i bukur, në mënyrë që të mos kesh nevojë të shpenzosh para për dekorime. Ajo gjithashtu përmendi se përmes gjithë kësaj, çiftet duhet të kujtojnë qëllimin e tyre përfundimtar, që është martesa.
