Vllaznia po mendon për ndeshjen e së shtunës kundër Skënderbeut. Në Shkodër nuk mendojnë rezultat tjetër veç fitores.
Kuqeblutë kanë mundësinë të rikuperojnë ndonjë pikë nga rivalët e tyre, duke parë kalendarin. Gjithsesi trajneri Plori nuk e ka të plotë ekipin.
Për shkak se kanë plotësuar numrin e kartonëve të verdhë, Ardit Krymi dhe Fahrudin Djurdjevic nuk mund të aktivizohen të shtunën.
Gjithsesi për stafin teknik të Vllaznisë ka edhe lajme të mira. Braziliani Victor Da Silva e ka lënë pas dëmtimin dhe është stërvitur me skuadrën.
Me gjasa ai do të jetë i gatshëm për trajnerin Plori, i cili duhet të vendosë se kush janë ata që do ta nisin nga fillimi kundër Skënderbeut. / oversport.tv
