Tottenham ishte nikoqir i Vitesse, në kuadër të xhiros së katërt në fazën e grupeve të Ligës së Konferecës.
Ndeshja nisi me raste nga të dyja palët, ku fillimisht rrezikoi Heung min Son për Tottenhamin, ndërsa Maximilian Ëittek kishte rast për Vitessen.
Në minutën e 15-të erdhi edhe goli i parë në ndeshje, kur Min Son shënoi për 1-0.
Pas shtatë minutash ishte radha e Lucas Moura që shënoi për 2-0.
Tottenhami i Conte e gjeti edhe golin e tretë në minutën e 28-të, kur Jacob Rasmussen shënoi në portën e tij.
Por pjesa e parë kishte ende gola, pasi holandezët u kthyen në lojë.
Jacob Rasmussen kësaj radhe shënoi në portën e duhur për 3-1.
Në minutën e 39-të u hap plotësisht ndeshja, kur Yann Gboho asistoi te Matus Bero që shënoi për 3-2.
Pjesa e dytë nuk ishte si e para, ndërsa Tottenham luajti me 10 lojtarë nga minuta e 59-të, kur Cristian Romero u ndëshkua me karton të kuq.
Por edhe Vitesse në minutat e fundit mbeti me nëntë lojtarë, kur Danilho dhe Markus Schuber dolën jashtë me karton të kuq.
Kjo fitore e kthen Tottenhamin në vendin e dytë në grup me 7 pikë.
