Blutë marrin suksesin e tretë radhazi në Premier League, Broja në fushë për 66 minuta
Fitorja e tretë radhazi në Premier League për Chelsea, që mund në “Stamford Bridge” Fulham minimalisht në takimin e javës së 21 të Premier Ligës.
Ekipi i Poçetinos reagoi pas humbjes në Karabao Kap ndaj Middlesborou.
Sfida u vendos nga një penallti e realizuar nga Palmer në shtesën e pjesës së parë.
Në vazhdim, “blutë” u treguan të saktë duke menaxhuar rezultatin dhe e fituan derbin e Londrës.
Në fushë nga minuta e parë e nisi sulmuesi kuqezi Armando Broja.
Lojtari i përfaqësueses, pati shasnet e tij për të gjetur golin, por ishte i paktë në finalizim. Në minutën e 66, ai u zëvendësua nga Noni Madueke.
Blutë shkojnë në kuotën e 31 pikëve, edhe pse janë larg zonës Champions. Ndërsa Fulham ngelet në kuotën e 24 pikëve.
Klan News
