Shefi i Politikës së Jashtme të BE-së, Josep Borrell ka deklaruar se zhdukja e Alexei Navalny është “shumë shqetësuese”.
Në një deklaratë në X, zyrtari i BE tha gjithashtu se lidershipi politik i Rusisë ishte përgjegjës për sigurinë dhe shëndetin e liderit të opozitës ruse në burg dhe se do të “mbahej në përgjegjësi”.
Ne kemi raportuar për liderin e opozitës ruse, i cili nuk është parë nga avokatët e tij për gati një javë.
Ai ishte burgosur në një koloni penale në lindje të Moskës pasi iu dhanë tre dënime burgimi për akuza të ndryshme penale, përfshirë ekstremizmin.
Ai ka hedhur poshtë të gjitha akuzat ndaj tij si të motivuara politikisht.
Top Channel
