Supermodelja 25-vjeçare, Bella Hadid ndau një postim në InstaStory të enjten (28 tetor), mes lajmeve se motra e saj, Gigi Hadid dhe Zayn Malik janë ndarë.
“Unë nuk mund të bëj asgjë për ty, përveçse të punoj për veten time. Ti nuk mund të bësh asgjë për mua, veçse të punosh për veten”, thuhej në postim, shoqëruar me një ilustrim të një gruaje nudo të ulur në plazh, duke parë perëndimin e diellit.
Postimi vjen pasi Malik dyshohet se u grind me nënën e saj, Yolanda Hadid. Burime të shumta konfirmuan për People se këngëtari dhe modelja u ndanë rreth një muaj më parë.
Supermodelja 26-vjeçare dhe këngëtari 28-vjeçar kanë një vajzë 13-muajshe, Khai, shkruan People.
“Ata nuk janë bashkë tani. Ata janë të dy prindër të mirë megjithatë”, tha një mik i familjes Hadid.
“Ata po kujdesen ende për vajzën e tyre. Yolanda sigurisht që është shumë mbrojtëse ndaj Gigi. Ajo dëshiron më të mirën për vajzën dhe nipin e saj”, vazhdoi tutje burimi.
Më herët të enjten, këngëtari lëshoi një deklaratë pas një raporti të TMZ se Yolanda po konsideronte të paraqiste një padi kundër tij për dhunë fizike ndaj saj.
Malik i tha gazetës se ai “me këmbëngulje” mohoi “pretendimet e rreme” të Yolandës se ai e kishte goditur atë.
Ndërkohë, kujtojmë që Gigi dhe Malik ndezën për herë të parë thashethemet për romancë në nëntor 2015 dhe festuan lidhjen e tyre në numrin e majit të Vogue në vitin 2016, por çifti u nda pas gati dy vitesh së bashku në mars 2018.
