BRUKSEL, 1 shkurt /ATSH-ANSA/ – Numri i traktorëve në rrugët e Brukselit shkon në rreth 1300, bëri të ditur policia e Brukselit duke përditësuar numërimin, kur rreth një mijë traktorë kishin nisur rrethimin në ‘’lagjen evropiane’’.
Traktorë të tjerë raportohet se marshojnë në unazën e kryeqytetit belg, gati për t’iu bashkuar protestës. Ndërkohë në veri të vendit vijon bllokada në portin e Zeebrugge, e nisur mbrëmjen e së martës.
Policia ende nuk mund të parashikojë kohëzgjatjen e aksionit.
“Do të varet nga diskutimet në samitin europian në Bruksel dhe në konferencën për të ardhmen e bujqësisë në Gent”, raportojnë të njëjtat forca policore. /os/