Komisioni Europian do të lehtësojë rregullat e financimit për impiantet inovative të gjysmëpërçuesve, sipas planeve të njoftuara sot, ndërkohë që BE përpiqet të rrisë industrinë e saj të çipave dhe të reduktojë varësinë e furnizimit nga SHBA dhe Azia.
European Chips Act “do të mundësojë 15 miliardë euro (17 miliardë dollarë) investime publike dhe private shtesë brenda vitit 2030” – tha presidentja e Komisionit Europian, Ursula von der Leyen, në një deklaratë.
“Kësaj shume do t’i shtohen edhe 30 miliardë euro investime publike të parashikuara nga NextGenerationEU, Horizon Europe dhe nga buxhetet kombëtare. Këto fonde do të shoqërohen me investime të mëtejshme private në afat të gjatë” – tha Ursula von der Leyen duke iu referuar projekteve të BE-së që kanë nisur.
Kjo lëvizje reflekton Chips Act në SHBA prej 52 miliardë dollarësh, e cila synon të rrisë konkurrueshmërinë me Kinën. Ajo vjen pasi mungesa globale e çipave dhe pengesat në zinxhirin e furnizimit po krijojnë kaos te prodhuesit shtëpive automobilistike, ofruesit e kujdesit shëndetësor, operatorët e telekomit etj.
Von der Leyen tha se blloku do të lehtësojë rregullat e tij të ndihmës shtetërore, të cilat synojnë të parandalojnë subvencionet e paligjshme dhe të padrejta të dhëna nga vendet e BE kompanive, për fabrikat inovative të çipave.
“Për këtë arsye, po përshtasim rregullat tona për ndihmat shtetërore me kushte rigoroze. Kjo do të lejojë – për herë të parë – mbështetjen publike për fabrikat europiane të prodhimit ‘first-of-a-kind’, nga të cilat do të përfitojë e gjithë Europa. Këto fabrika mund të autorizohen që të marrin më shumë ndihma shtetërore – tha komisionierja e dixhitalizimit në BE, Margrethe Vestager, ndërkohë që blloku përpiqet të dyfishojë shifrën e tregut global në 20% në vitin 2030.
“Këto struktura nuk do të ekzistonin në Europë nëse nuk bëjmë diçka. Mund të justifikohet të mbulojmë seri në 100% të hendekun financiar me burime shtetërore” – tha ajo në një konferencë shtypi.
/ Reuters
