ASTANA, 20 nëntor /ATSH-DPA/ – Kanë nisur zgjedhjet presidenciale në ish-republikën sovjetike të Kazakistanit të pasur me naftë dhe gaz, me presidentin aktual Kassym-Jomart Tokayev, 69 vjeç, që kërkon të forcojë kontrollin e tij në pushtet për një mandat të dytë.
Ai po kërkon rizgjedhjen në vendin e Azisë Qendrore pasi një amendament kushtetues hapi rrugën për një mandat presidencial shtatë-vjeçar. Më parë, mandati ishte pesë vjet.
Pesë kandidatët e tjerë të miratuar besohet se nuk kanë asnjë shans për të fituar.
Pjesëmarrja në votime ishte 38.5% deri në mesditë (05:00 GMT), sipas Komisionit Qendror të Zgjedhjeve. Sipas autoriteteve të sigurisë, votimi ka qenë i qetë.
Tokayev rrëzoi paraardhësin e tij autoritar Nursultan Nazarbayev, i cili sundoi Kazakistanin për rreth 30 vjet, në vitin 2019.
Në zgjedhjet e qershorit të dëmtuara nga dhuna policore, Tokayev u zgjodh me 70.96 për qind të votave. /os/
