Takumi Minamino dikur mbante një rekord botëror Guinness.
Në vitin 2014, ndërsa luante në Japoni, Minamino theu rekordin e më së shumti shuplakave (high-five) brenda një minuti.
Minamino ishte vetëm 18 vjeç në atë kohë.
“Po, unë mbaja rekordin për më së shumti shuplaka në një minutë, por mendoj se është thyer”, tha ai, për faqen zyrtare të Liverpool-it.
“Kjo ndodhi kur luajta për Cerezo Osaka dhe ishte një ngjarje e organizuar nga klubi për njerëzit që jetojnë në zonë, në qytet. Rreth 200 njerëz u rreshtuan në një rresht në një qendër tregtare dhe duke qenë se isha lojtari më i ri në ekip u zgjodha.
“Më është dashur të vrapoj në linjë dhe kam arritur ta thej Rekordin Botëror Guinness.
“Është një kujtim shumë i mirë dhe ne ende flasim për të. Ndoshta do të ishte mirë nëse do të festoja një gol të tillë për Liverpoolin!”
Rekordi për t’u mposhtur ishte 171. Minamino arriti ta mposht atë rekord me 16 më shumë, pasi ai arriti 187 në 60 sekonda.
Fatkeqësisht, siç aludoi Minamino, rekordi i tij nuk qëndron më.
Dy vjet pas përpjekjes së tij, amerikani Kaiser Permanente theu rekordin.
Permanente theu rekordin duke arritur 290 brenda një minute, rekord ky që qëndron ende edhe sot.
