Apple i bëri të gjithë për të qeshur me produktin e ri të prezantuar në eventin e fundit – Shqip

by admin
Spread the love

13:50 | 20 Tetor 2021

Me 19 dollarë, pothuajse do të shpresonit që pëlhura të ishte në formën e vetë logos.

Apple mbajti eventin e saj më 19 tetor. Një seri produktesh u prezantuan, ku ndër më të rëndësishmet laptopët MacBook Pro dhe Pro MAX më të avancuarit ndonjëherë.

Këto laptopë ishin të kompletuar me më shumë porta për paisjet e jashtme, më shumë fuqi kompjuterike dhe gjithashtu një rezolucion më të lartë ekrani, grafika të shkëlqyera.

Por, një nga produktet e prezantuara së fundi ka kaluar pa u vënë re dhe historia që ai ka nga mbrapa mund t’ju bëjë për të qeshur.

Nëse do të na thonit javën e kaluar se Apple po planifikonte të lëshonte një leckë pastrimi prej 19 dollarësh, ne do të kishim supozuar se ishte një shaka ose parodi, siç janë shishja e ujit Apple dhe çorapet  Apple. Por jo, kjo është e vërtetë – dhe interneti është duke gjetur të gjitha anët komike në këtë produkt.

“Lecka e pastrimit” Apple është bërë nga “material i butë, jo gërryes” i aftë të pastrojë “çdo ekran të Apple, përfshirë xhamin cilësor të laptopëve të rinj Macbook”.

Dhe, ndoshta më e rëndësishmja, ai gjithashtu përmban një logo të Apple. Me 19 dollarë, pothuajse do të shpresonit që pëlhura të ishte në formën e vetë logos.

Në fakt, po ta shikosh këtë produkt në Amazon dhe platforma të tjera si Ebay ajo nuk kushton më shumë se 1 dollarë. /Shqip/

You may also like