Gjatë ditës ka pasur raportime se në Kosovë do të kthehen eshtrat e intelektualit dhe filozofit të njohur Ukshin Hoti, i cili ishte zhdukur regjimi serb.
Por, djali i tij Andini, i cili është edhe kryetar i Komisionit Qeveritar për Personat e Pagjetur e ka quajtur të rremë lajmin.
Ukshin Hoti, u zhduk më 16 maj 1999 në rrethana ende të pa ndriçuara.
Për aktivitetin e tij atdhetar ishte arrestuar disa herë nga regjimi serb i Titos dhe i Millosheviqit.
Për herë të fundit ishte arrestuar në vitin 1994 nga policia serbe me akuzën e ushtrimit të veprimtarisë armiqësore kundra Jugosllavisë dhe për pjesëmarrjen e tij në lëvizjen për Republikën e Kosovës, me ç’ rast ishte dënuar pesë vjet burgim.
Më 16 Maj të vitit 1999 pas lirimit dhe pas daljes nga qelia e burgut të Dubravës, zhduket nga polica serbe pa lënë gjurmë.
