Faktori fizik shfaqet si faktor përcaktues në duelin e gjigantëve mes Real Madridit dhe Mançester Sitit, në një çerekfinale me shijen e një finaleje të hershme të “Champions”-it, me gjashtë ndeshje më pak në sezon për skuadrën e Karlo Ançelotit që ka 8 ditë pa luajtur, ndërsa lojtarët e Pep Guardiolës luajtën në Premier Ligë në dy ndeshje kyçe.
Ndërkohë që Reali i Madridit, ka pushuar dy ditë e gjysmë që nga ndeshja e fundit dhe ka shijuar deri në gjashtë seanca stërvitore për t’u përgatitur për të parën nga dy betejat evropiane në duelin e dy kampionëve të fundit të ‘Champions’-it. Por Mançester Siti ka luajtur dy ndeshje vendimtare për të ruajtur shanset e tyre për të ruajtur kurorën e ligës angleze. Mes kampionatit, Ligës së Kampioneve, Kupës së Mbretit dhe Superkupës së Spanjës, Reali ka luajtur 42 ndeshje deri në fillim të prillit. Siti tashmë ka arritur në kuotën e 48 ndeshjeve të ndara mes Premier Ligës, Kupës FA Cup dhe Champions-it, tre kompeticionet në të cilat ata luajnë ende, plus Kupën e Botës për Klube, Kupa e Ligës, Superkupa e Europës dhe Superkupa e Anglisë.
Gjithsej 540 minuta më shumë për anglezët pa llogaritur shtesat. Foden dhe Alvarez kanë luajtur në 44 ndeshje, Rodri në 40, të gjithë titullarë. Te Reali, numrat më të lartë i arrijnë Fede Valverde dhe Rodrigo (42 ndeshje, 38 si titullar dhe 35 përkatësisht) dhe Toni Kros (39 ndeshje, me 27 si titullar). Njëmbëdhjetëshja tipike e Karlo Ançelotit, me të vetmin dyshim për t’u zgjidhur mes Naço Fernandezit ose Tçuamenit në qendër të mbrojtjes, është më e freskët.
Me minutat e Fodenit (3473), lojtari që bën diferencën këtë sezon në sulmin e Sitit me 21 gola dhe 9 asiste dhe Rodrit (3409 minuta), truri i gjithçkaje, vetëm një lojtar i afrohet te Reali, Fede Valverde (3344 minuta). Deri në shtatë lojtarë të Guardiolës kanë mbi tre mijë minuta në sezon, ndaj tre lojtarëve të Realit, ndërsa vetëm dy prej tyre, Antonio Rydiger dhe Rodrigo, sapo e kanë tejkaluar barrierën e tre mijë minutave në fushë. Lëndimet dhe pezullimet i kanë penguar dy liderët e mëdhenj të Ançelotit që ta arrijnë këtë shifër, Xhud Bellingam (2766 minuta) dhe Vinicius Zhunior (2253).
PANORAMASPORT.AL
